دراسة جدوى 400 كتكوت ابيض تسمين Feasibility study of 400 fattening white chicks
شبكة تمويلكو الابداعية Tamwilco شبكة تمويلكو الابداعية Tamwilco
recent

آخر الأخبار

recent
random
جاري التحميل ...

دراسة جدوى 400 كتكوت ابيض تسمين Feasibility study of 400 fattening white chicks



دراسة جدوى 400 كتكوت ابيض تسمين

اعزائى زوار شبكة تمويلكو 
دراسة جدوى مشروعنا اليوم تتلخص ببساطة فى دراسة جدوى 400 دجاجة ابيض تسمين
فى البداية لابد ان نتكلم عن هذا المشروع الصغير فهو كويس جدا لو اتنفذ صح وهو مشروع تسمين الدجاج الابيض..قبل مانبدأ محتاجين نعرف شويه حاجات هامة لا بد من معرفتها اولا: 

*-اسعار الكتكوت والدجاجه مرتبطه ببورصه خاصه بالدجاج يعنى مش ثابته يوم فوق ويوم تحت.

 *-مينفعش تحسب المكسب على دوره واحده وتقيس عليها..القياس بيكون على 6 دورات ودا المعدل السنوى..يعنى فى اخر السنه تبدأ تحسب مكاسب ال6 دورات مجتمعين علشان تعرف جدوى المشروع بالنسبه ليك.

 *-اهم عوامل نجاح المشروع ثلاث حاجات 


اولا: نوع الكتكوت يجب ان يكون نظيف وجيد ومن سلالة معروفة
ثانيا: نوع العلف المستخدم كويس..
ثالثا: الاهتمام والرعايه السليمه 
رابعا: التربية ستكون فى منزلك فيتم توفير بند الايجار

(العامل البشرى). نتكلم بقى عن تكاليف انشاء المشروع وجدواه الاقتصاديه..

فى حاجه اسمها اصول ثابته يعنى دى مش بتجيبها كل دوره..بتجيبها مره واحده لما تبدأ وخلاص على كدا..ودى العدد والادوات زى السقايات والعلافات والشفاطات والدفايات وطبعا المكان نتكلم الان عن دراسه جدوى تسمين 400 كتكوت ابيض 

محتوى دراسة الجدوى 


 400 كتكوت = متوسط سعر 6 جنيه  = 2400 جنيه
 الكتكوت الواحد بياكل مدة دورة 33 يوم تقريبا متوسط 3 ك علف عشان يوصل متوسط وزنه 2 ك جرام
400 كتكوت * 3ك علف = 1200 ك علف * متوسط سعر العلف 6,5 = 7800 جنيه قيمه العلف 

ادويه وتحصينات (وان كنت مابنصحش بيها الا فى حاله الاصابه يعنى يكون علاج مش عمال على بطال) 
ونقدرها بجنيه واحد للكتكوت يعنى = 400 جنيه للدوره 
ماء وكهرباء تقريبا= 400 ج فى الدوره 
نافق = 15 كتكوت طول الدورة = صافى الكتاكيت 380 كتكوت

النتيجة ان  اجمالى مصاريف الدوره هو التالى :

2400 كتاكيت + 7800 علف + 400 تحصينات + 400 مياه وكهربا = 11000 جنيه اجمالى مصاريف الدوره ل 400 كتكوت

 النتيجة النهائية والبيع


العدد الصافى للكتاكيت = 380 كتكوت * 2ك متوسط وزن = 760 كيلو لحم * 25 جنية الكيلو = 19000

التكلفة الاجمالية = 11000 نطرحها من نتيجة البيع النهائية = 19000 بيكون الصافى للربح = 8000 جنيه 

ودى بتكون النتيجة النهائية للمربى الناجح نتيجة رعاية جيدة واختيار كتكوت سليم وصحى وسعر بيع كويس وتوفير بند الايجار

ملاحظة هامة:-  طبعا كل التكاليف فى الدراسه دى فى مصر وهى تقديريه ومتغيره بحسب سعر البورصة  للكتاكيت والاعلاف وسعر اللحم للكتكوت الابيض



فى النهاية لا تتردد فى تطوير ذاتك وامتلك الارادة ستجد الصعاب اصبحت يسيرة

مع خاص تحياتنا ,,, شبكة تمويلكو

عن الكاتب

bttat

التعليقات


اتصل بنا

إذا أعجبك محتوى موقعنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد الموقع السريع ليصلك جديد مواضيعنا أولاً بأول ، كما يمكنك إرسال رساله لنا بالضغط على زر الميكروفون المجاور ...

جميع الحقوق محفوظة

شبكة تمويلكو الابداعية Tamwilco