دراسة جدوى تربية 500 بطة مسكوفى بتاريخ Feasibility study of raising 500 muscovy ducks-3-9-2020
شبكة تمويلكو الابداعية Tamwilco شبكة تمويلكو الابداعية Tamwilco
recent

آخر الأخبار

recent
random
جاري التحميل ...

دراسة جدوى تربية 500 بطة مسكوفى بتاريخ Feasibility study of raising 500 muscovy ducks-3-9-2020

 


دراسة جدوى تربية 500 بطة مسكوفى بتاريخ 03/9/2020

اعزائى زوار شبكة تمويلكو الابداعية
دراسة جدوى مشروعنا اليوم تتلخص ببساطة فى دراسة جدوى تربية 500 بطة مسكوفى
فى البداية لابد ان نتكلم عن هذا المشروع الصغير فهو مشروع رائع ومميز ومربح  لو اتنفذ صح وهو مشروع تسمين البط المسكوفى..قبل مانبدأ محتاجين نعرف شويه حاجات هامة لا بد من معرفتها اولا: 

*-اسعار االبط او الدجاج مرتبطه ببورصه خاصه بالدجاج والبط يعنى مش ثابته يوم فوق ويوم تحت.

 *-مينفعش تحسب المكسب على دوره واحده وتقيس عليها..القياس بيكون على 6 دورات ودا المعدل السنوى..يعنى فى اخر السنه تبدأ تحسب مكاسب ال6 دورات مجتمعين علشان تعرف جدوى المشروع بالنسبه ليك.

 *-اهم عوامل نجاح المشروع ثلاث حاجات 


اولا: نوع كتكوت البط يجب ان يكون نظيف وجيد ومن سلالة معروفة
ثانيا: نوع العلف المستخدم يكون كويس ومن نوع موثوق..
ثالثا: الاهتمام والرعايه السليمه والصحية ومتابعة تغير الاجواء ودرجات الحرارة 
رابعا: التربية ستكون فى منزلك فيتم توفير بند الايجار من التكلفة العامة
خامسا: بند السقايات والعلافات يحسب فقط فى تكلفة اول دورة ويظل معك كمربح ثابت طيلة باقى الدورات

(العامل البشرى). نتكلم بقى عن تكاليف انشاء المشروع وجدواه الاقتصاديه..

فى حاجه اسمها اصول ثابته يعنى دى مش بتجيبها كل دوره..بتجيبها مره واحده لما تبدأ وخلاص على كدا..ودى العدد والادوات زى السقايات والعلافات والشفاطات والدفايات وطبعا المكان ونتكلم الان عن دراسه جدوى تسمين 500 بطة مسكوفى 

محتوى دراسة الجدوى 

الاصول الثابتة

25 سقايات * 20 جنية = 500 جنيه
25 علافات * 20 جنيه = 500 جنيه
4 دفاية * 600 = 2400 جنيه 
اجمالى الاصول الثابتة = 1800 جنيه

الاصول المتغيرة

 500 بطة = متوسط سعر 30 جنيه  = 15000 جنيه
 البطة الواحدة بتاكل مدة دورة 65  الى 70 يوم تقريبا متوسط 10 ك علف عشان يوصل متوسط وزنه 4 ك جرام
500 بطة * 10 ك علف = 5000 ك علف * متوسط سعر العلف 6,2 = 31000 جنيه قيمه العلف 

ادويه وتحصينات (وان كنت مابنصحش بيها الا فى حاله الاصابه يعنى يكون علاج مش عمال على بطال) 
ونقدرها 1 جنيه  للبطة  بالشهر الواحد لانه مناعة البط اقوى من الدجاج  يعنى = 1000 جنيه للدوره 
ماء وكهرباء تقريبا 1000 ج فى الدوره 
نافق = 25  طول الدورة = صافى البط المتبقى = 475 بطة مسكوفى

النتيجة ان  اجمالى مصاريف الدوره هو التالى :

15000 بط + 31000 علف + 1000 تحصينات + 1000 مياه وكهربا = 48000 جنيه اجمالى مصاريف الدوره ل 500 بطة مسكوفى

 النتيجة النهائية والبيع


العدد الصافى للبط= 475 بطة * 4 ك متوسط وزن = 1900 كيلو لحم * 40 جنية الكيلو = 76000

التكلفة الاجمالية = 48000 نطرحها من نتيجة البيع النهائية = 76000 بيكون الصافى للربح = 28000 جنيه 

ودى بتكون النتيجة النهائية للمربى الناجح نتيجة رعاية جيدة واختيار بط سليم وصحى وسعر بيع كويس وتوفير بند الايجار

ملاحظة هامة:-  طبعا كل التكاليف فى الدراسه دى فى مصر وهى تقديريه ومتغيره بحسب سعر البورصة  للكتاكيت والبط والاعلاف وسعر اللحم للبط المسكوفى 

ملاحظة اخرى :- يمكنك الزيادة فى الربح بتقليل تكالبف العلف للبط المسكوفى حيث يمكنك اضافة اى بواقى طعام لديك مثل الخضروات والعيش والبقوليات وبكده بيقل تكلفة العلف ويزيد معاك الربح ان شاء الله


فى النهاية لا تتردد فى تطوير ذاتك وامتلك الارادة ستجد الصعاب اصبحت يسيرة

مع خاص تحياتنا ,,, شبكة تمويلكو الابداعية

عن الكاتب

bttat

التعليقات


اتصل بنا

إذا أعجبك محتوى موقعنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد الموقع السريع ليصلك جديد مواضيعنا أولاً بأول ، كما يمكنك إرسال رساله لنا بالضغط على زر الميكروفون المجاور ...

جميع الحقوق محفوظة

شبكة تمويلكو الابداعية Tamwilco