مشروع ماكينة الكتر بلوتر The Cutting Plotter Project
شبكة تمويلكو الابداعية Tamwilco شبكة تمويلكو الابداعية Tamwilco
recent

آخر الأخبار

recent
random
جاري التحميل ...

مشروع ماكينة الكتر بلوتر The Cutting Plotter Project

 

مشروع ماكينة الكتر بلوتر

The Cutting Plotter Project

اعزائى زوار موقع شبكة تمويلكو الابداعية مشروعنا لهذا اليوم هو مشروع ماكينة الكتر بلوتر The Cutting Plotter Project 
اعزائى انه فى ظل التطور الذي يشهده عالمنا الذى نعيش فيه في مجال التكنولوجيا أصبح المشروع الصعب سهل المنال للجميع ولكن مشروع النهارده هو فى حد ذاته من اجمل وافضل المشاريع بسبب انخفاض التكاليف وزيادة الأرباح المتوقعة لهذا المشروع الرائع

مشروع ماكينة الكتر بلوتر

سوف نستعرض معكم دراسة كامله للمتطلبات اللي تخليك تقدر تشتغل وتبدأ المشروع وفي نفس الوقت تضمن أفضل استثمار لفلوسك فى هذا المشروع الجميل 

١- استخدامات ماكينة الكتر بلوتر

ماكينة الكتر بلوتردي ماكينة لها استخدامات كتير جدا وكلنا بنشوف الاستيكرات الموجوده على السيارات زي شعار مفرغ او رسمه او حتى كلمه مكتوبه ونفس الشئ في الديكورات في المنازل زي رسمة وردة الحائط أو في السقف وكمان الورق الخاص بأشكال ورسومات الحنه وورش الرخام بتحتاج الاستيكر المفرغ بالكاتر لكتابة كلمه أو رسمه على الرخام باستخدام مياه النار الخام وورش الزجاج كمان بتستخدم استيكارات الكاتر بلوتر لعمل أشكال على الزجاج من خلال مسدس الرمل لذلك استخدامات الماكينه كثيره جدأ جدا بلا حدود تقريبا

٢-أنواع ماكينات الكتر بلوتر

ماكينة الكتر بلوترفي منها مواصفات أوروبي تجميع الصين ودى بيكون مقاساتها مختلفة الى حد ما  ولكن سيكون شرحنا على الماكينة   مقاس ٧٢سم والطول بيكون لحد ٥٠متر والماكينه دي الصافي بتعها بيكون ٦٣سم تقريبا

وهناك ماكينه صناعة صيني نفس المقاس طبعاً الماكينات دي كلها بتشتغل ٢٢٠فولت وبيتم توصيلها على الكمبيوتر وبرامج التصميم الخاصه بها سهله جدا واي حد يقدر يستخدمها بمنتهى السهولة واليسر .

٣-أسعار ماكينات الكتر بلوترو

ماكينة الكتر بلوتر يوجد منها الماكينه المواصفات الأوروبي بيبدأ سعرها 12,000 ألف جنيه والماكينات الصيني في بحوالى 6,000  الاف جنينة  كما ان هناك ماكينات مستعمل فى حدود 3 الى 4  الاف جنية على موقع  olx بس ده بيكون عايز واحد عنده خبره في الكاتر بلوتير كويس عشان يقدر يحدد جودة ومشاكل الماكينة

٤-المواد الخام واسعارها لمشروع ماكينة الكتر بلوتر

المواد الخام الخاصة ب ماكينة الكتر بلوترهناك  أكتر من نوع زي الفينيل والفسفور والفينيل الحراري وحاجه كمان إسمها الماجيك وده بيستخدم زي ماسك بعد التفريغ بتلزق الماجيك عليه عشان يمسك الاستيكر كله مع بعض وده أمر سهل جداً

أسعار الفينيل بيكون رول ٥٠ متر بيكون سعره في الغالب من ٤٥٠إلي ٥٠٠جنية حسب اللون وده بيكون عرض ٦١سم يعني المتر ١٠جنيه.

٥-متطلبات المكان لمشروع ماكينة الكتر بلوتر

المكان الخاصبالمشروع يمكنكم البدء من داخل البيت الخاص بكم بدون أي تكاليف واشتغل داخل البيت ولكن لو سألتني البيت ولا المحل هقولك المحل طبعا هيكون أفضل ومش لازم يكون كبير لأن ممكن مع المشروع ده تفتح كماليات سيارات  وموتسكلات وتكاتك وخدمات دعاية واعلان اخرى ويمكنك التوسع على مراحل.

٦-الأرباح المتوقعه لمشروع ماكينة الكتر بلوتر

 الارباح المتوقعة لمشروع ماكينة الكتر بلوتر طبعاً كلنا نعرف أي محل اكسسورات روح  واسئله على استيكر عنده وشوف حجمه قد أيه ممكن يكون ١٠في ٢٠سم مثلا وشوف هيقولك بكام هيقولك أضعاف مضاعفه من تكلفته لو حسبت المتر ٦٠في ١٠٠بيكون ١٠جنيه تكلفته بعد الماكينه والايجار والصيانه قول ١٥المتر ده ممكن يتباع معاك أقل حاجه ٦٠جنيه أحسب أنت في الشهر ممكن تكسب كام أنا بشوف ناس بتعمل استيكر٥ في١٠ وتبيعه ١٠-١٥ جنيه. وكل شخص وشطارته 

٧- بالنسبه للتسويق الخاص بمنتجات ماكينة الكتر بلوتر

يوجد لدينا فكرة لتسويق منتجات ماكينة الكتر بلوتر يمكنك التسويق على  مواقع التواصل الاجتماعي وموقع سوق دوت كوم وجوميا بس حابب قبل ما نسوق أعرض عليكم الفكره دي هنعمل اكتر من رسم وتصميم لجدران الشقق والثلاجات والغسلات ومفاتيح الكهرباء ونبدأ نغلف الاستيكرات دي في أكياس سلفان وكيلو الأكياس دة بيعمل ٣٠ جنيه ورسمات الحنه ونبدأ تسوق على سوق وجوميا ونوزع علي محلات البويات الاستيكر الخاص بالشقق ومحلات الأدوات المنزليه الخاص بالغسلات والثلاجات ومحلات الأدوات الكهربائيه الخاص بمفاتيح الكهرباء والكوافير ومحلات مستلزمات التجميل وبكده يكون انت نوعت وعملت تسويق مثالى لمنتجك فى كل الاماكن التى من شأنها شراء منتجك سواء على ارض الواقع او على مواقع التواصل الاجتماعى .

نرجو ان ينال شرحنا رضاكم واعجابكم

مع خالص تحياتنا

شبكة تمويلكو الابداعية




عن الكاتب

bttat

التعليقات


اتصل بنا

إذا أعجبك محتوى موقعنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد الموقع السريع ليصلك جديد مواضيعنا أولاً بأول ، كما يمكنك إرسال رساله لنا بالضغط على زر الميكروفون المجاور ...

جميع الحقوق محفوظة

شبكة تمويلكو الابداعية Tamwilco