دراسة جدوى 100 كتكوت ابيض تسمين لشهر مارس 2021
تمويلكو Tamwilco تمويلكو Tamwilco
recent

آخر الأخبار

recent
random
جاري التحميل ...

دراسة جدوى 100 كتكوت ابيض تسمين لشهر مارس 2021

 


دراسة جدوى ١٠٠ دجاجة ابيض تسمين لعام 2021

الدراسة بتاريخ 18/3/2021

اعزائى زوار شبكة تمويلكو 
دراسة جدوى مشروعنا اليوم تتلخص ببساطة فى دراسة جدوى ١٠٠ دجاجة ابيض تسمين لشهر مارس من عام 2021
فى البداية لابد ان نتكلم عن هذا المشروع الصغير فهو من المشاريع الممتازة جدا لو تم تنفيذه بطريقة صحيحة وهو مشروع تسمين الدجاج الابيض..قبل مانبدأ فى الدراسة محتاجين نعرف شويه حاجات هامة لا بد من معرفتها اولا: 

*- اسعار الكتكوت والدجاجه مرتبطه ببورصه خاصه بالدجاج يعنى مش ثابته يوم فوق ويوم تحت.

 *- مينفعش تحسب المكسب على دوره واحده وتقيس عليها..القياس بيكون على 6 دورات ودا المعدل السنوى..يعنى فى اخر السنه تبدأ تحسب مكاسب ال6 دورات مجتمعين علشان تعرف جدوى المشروع بالنسبه ليك.

*- الدراسة خاصة بتاريخ 18/3/2021 فيجب اعتبار ان الاسعار تتغير يوميا سواء فى سعر الكتكوت او سعر العلف وسعر لحم الدجاج الابيض المنتج لذلك يمكنكم القياس على الدراسة طبقا للسعر ليوم البدء فى المشروع 

 *-اهم عوامل نجاح المشروع ثلاث حاجات 


اولا: نوع الكتكوت يجب ان يكون نظيف وجيد ومن سلالة معروفة ويفضل ان يكون من الشركات المعروفة
ثانيا: نوع العلف المستخدم ,, يجب اختيار علف من مصدر موثوق به لانه بيفرق كتير فى وزن الكتكوت
ثالثا: الاهتمام والرعايه السليمه والصحية والمتابعة يوم بيوم 

(العامل البشرى). نتكلم بقى عن تكاليف انشاء المشروع وجدواه الاقتصاديه..

اى مشروع فى حاجه اسمها اصول ثابته يعنى دى مش بتجيبها كل دوره..بتجيبها مره واحده لما تبدأ وخلاص على كدا..ودى العدد والادوات زى السقايات والعلافات والشفاطات والدفايات وطبعا المكان ايضا 

ونتكلم دلوقت عن دراسه جدوى تسمين 100 كتكوت ابيض 

محتوى دراسة الجدوى 


 100 كتكوت = متوسط سعر 7 جنيه  = 700 جنيه (السعر هذا بتاريخ اليوم 18/3/2021)
 الكتكوت الواحد بياكل مدة دورة 33 يوم تقريبا متوسط 3 ك علف عشان يوصل متوسط وزنه من 1,800 جرام الى 2 ك جرام
100 كتكوت * 3ك علف = 300 ك علف * متوسط سعر العلف 8 جنيه = 2400 جنيه قيمه العلف  وده سعر العلف الان بتاريخ 18/3/2021

ادويه وتحصينات (وان كنت مابنصحش بيها الا فى حاله الاصابه يعنى يكون علاج مش عمال على بطال) 
ونقدرها بجنيه واحد للكتكوت يعنى = 100 جنيه للدوره 
ماء وكهرباء تقريبا= 100 ج فى الدوره 
نافق = 5 كتكوت طول الدورة اى ما يعادل 5% من اجمالى الكتاكيت = صافى الكتاكيت 95 كتكوت

النتيجة ان  اجمالى مصاريف الدوره هو التالى :

700 كتاكيت + 2400 علف + 100 تحصينات + 100 مياه وكهربا = 3300 جنيه اجمالى مصاريف الدوره ل 100 كتكوت

 النتيجة النهائية والبيع

هناك حالتين للبيع اذا كنت هتبيع لتاجر او هتبيع للجيران والاهالى 

اولا: البيع للتجار ,,,العدد الصافى للكتاكيت = 95 كتكوت * 2ك متوسط وزن = 190 كيلو لحم * 25 جنية الكيلو = 4750

التكلفة الاجمالية = 3300 - نتيجة البيع النهائية = 4750 بيكون الصافى للربح = 1450 جنيه 

ثانيا: البيع للاهالى ,,,العدد الصافى للكتاكيت = 95 كتكوت * 2ك متوسط وزن = 190 كيلو لحم * 27 جنية الكيلو = 5130

التكلفة الاجمالية = 3300 - نتيجة البيع النهائية = 5130  بيكون الصافى للربح = 1830 جنيه 

ودى بتكون النتيجة النهائية للمربى الناجح نتيجة رعاية جيدة واختيار كتكوت سليم وصحى وعلف جيد وسعر بيع كويس

طبعا كل التكاليف فى الدراسه دى فى مصر وهى تقديريه ومتغيره بحسب سعر البورصة  للكتاكيت والاعلاف وسعر اللحم للكتكوت الابيض

ملحوظة هامة : الدراسة خاصة بتاريخ 18/3/2021 فيجب اعتبار ان الاسعار تتغير يوميا سواء فى سعر الكتكوت او سعر العلف وسعر لحم الدجاج الابيض المنتج لذلك يمكنكم القياس على الدراسة طبقا للسعر ليوم البدء فى المشروع 

فى النهاية لا تتردد فى تطوير ذاتك وامتلك الارادة ستجد الصعاب اصبحت يسيرة

مع خاص تحياتنا ,,, شبكة تمويلكو

عن الكاتب

bttat

التعليقات


اتصل بنا

إذا أعجبك محتوى موقعنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد الموقع السريع ليصلك جديد مواضيعنا أولاً بأول ، كما يمكنك إرسال رساله لنا بالضغط على زر الميكروفون المجاور ...

جميع الحقوق محفوظة

تمويلكو Tamwilco